Monday, 5 November 2012

Zafar Iqbal Poet

Thumbnail
Zafar Iqbal Poet

1.
Dekhana Hai Wo Mujh Par Meharaban Kitana Hai

Dekhana hai wo mujh par meharaban kitana hai
asaliyat kahan tak hai aur guman kitana hai

kya panah deti hai aur ye zamin mujh ko
aur abhi mere sar par aasaman kitana hai

kuch khabar nahi aati kis ravish pe hai tufan
aur kata phata baqi badaban kitana hai

tod phod karati hain roz khvahishen dil mein
tang in makanon se ye makan kitana hai

kya uthaye phirta hai bar-e-ashiqi sar par
aur dekhane mein wo dhan-pan kitana hai

harf-e-arazu sun kar janchane laga yani
is mein bat kitni hai aur byan kitana hai

phir udas kar degi sarsari jhalak us ki
bhool kar ye dil us ko shadaman kitana hai
2.
Dar Hai Koii Vujuud Ke Andar Khulaa Huaa


Dar hai ko_ii vujuud ke andar khulaa hu_aa
ye raaz vo hai jo nahiiN mujh par khulaa hu’aa

(vujuud : existence)

upar ghirii hu’ii kisii chup kii ghataayeN sii
niiche kisii sadaa kaa samandar khulaa hu’aa

aa tuu bhii dekh taab-e-tamaashaa tujhe bhii thii
bandar bandhaa hu’aa hai, machandar khulaa hu’aa

(taab : endurance)

thak kar girii saraab-e-safar-e-aarzuu “Zafar”
har surKh reg mauj thii bistar khulaa hu’aa

(saraab : mirage; reg : quicksand) 
3.
Nahin Ki Milne Milaane Ka Silsilaa Rakhnaa

nahiiN ki milne milaane ka silsilaa rakhnaa
kisii bhii satah pe koii to raabtaa rakhnaa

mareNge log hamaare sivaa bhii tum pe bohat
yah jurm hai to phir is jurm kii sazaa rakhnaa

madad kii tum se tavaqqo to khair kyaa hogii
Gariib-e-shahar-e-sitam huuN meraa pataa rakhnaa

bas ek shaam hameN chaahiye na puuchhnaa kyuuN
yah baat aur kisii shaa pe uThaa rakhnaa

naye safar pe ravaanaa huaa huuN az-sar-e-nau
jab aauuNgaa to meraa naam bhii nayaa rakhnaa

fasiil-e-shauq uThaanaa Zafar zaruur magar
kissi taraf se nikalne kaa raastaa rakhnaa

nahii.n ki milane milaane kaa sil_silaa rakhanaa
kisii bhii satah pe ko_ii to raabtaa rakhanaa

[satah=level; raabtaa=relationship]

madad kii tum se tavaqqo to Khair kyaa hogii
Gariib-e-shahar-e-sitam huu.N meraa pataa rakhanaa

[madad=help; tavaqqo=expectation]

mare.nge aur hamaare sivaa bhii tum pe bahut
ye jurm hai to phir is jurm kii sazaa rakhanaa

naye safar pe ravaanaa huaa hai az-sar-e-nau
jab aa_uu.Ngaa to meraa naam bhii nayaa rakhanaa

[az-sar-e-nau=a fresh start]

hisaar-e-shauq uThaanaa ’Zafar’ zaruur magar
kisii taraf se nikalane kaa raastaa rakhanaa
 4.
Dekhanaa Hai Wo Mujh Par Meharabaan Kitanaa Hai


dekhanaa hai vo mujh par meharabaan kitanaa hai
asaliyat kahaa.N tak hai aur gumaan kitanaa hai

[asaliyat = reality; gumaan = doubt]

kyaa panaah detii hai aur ye zamii.n mujh ko
aur abhii mere sar par aasamaan kitanaa hai

[panaah = shelter]

kuchh Khabar nahii.n aatii kis ravish pe hai tuufaa.N
aur kaTaa phaTaa baaqii baadabaan kitanaa hai

[baadabaan = sail]

to.D pho.D karatii hai.n roz Khvaahishe.n dil me.n
tang in makaano.n se ye makaan kitanaa hai

kyaa uThaaye phirataa hai baar-e-aashiqii sar par
aur dekhane me.n vo dhaan-paan kitanaa hai

[baar = weight/burden]

harf-e-aarazuu sun kar jaa.nchane lagaa yaanii
is me.n baat kitanii hai aur byaan kitanaa hai

phir udaas kar degii sarsarii jhalak us kii
bhuul kar ye dil us ko shaadamaan kitanaa hai
5.
Chandni Raat Mein Chaand Ke Saamne


Chandni Raat Mein Chaand Ke SaaMne,
Rukh Se Parda Hatana Gazab Ho Gaya,
Chandni Chhup Gayi Chaand SharMa Gaya,
Aapka Muskurana Gazab Ho Gaya,

Dilki Dhadkanein Meri Tez Ho Gayi,
Raat Aankhon Mein Kaantein Chubhone Lagi,
Wasl Ki Raat Mein Baat Hi Baat Mein,
Yun Tera Rooth Jana Gazab Ho Gaya,

JhooM Kar Kaali Kaali Ghata Jab Uthi,
Raat Apni To Karvat Badalte Kati,
Kuch To MausaMne Bechain Rakha HaMein,
Kuch Tera Yaad Aana Gazab Ho Gaya,

Apne Hisse Mein Toofan Ki Taqdeer Thi,
Zindagi Apni Maujonki Zanjeer Thi,
Doob Jane Ka Apne HaMein GaM Na Tha,
Uska Saahil Pe Aana Gazab Hogaya
6.
Dil Bujh Gaya Tou Kya Hay Ke Duniya Tou Hay Abhi

dil bujh gaya to kia hay ke dunya to hay abhi
kuch owr ho na ho ye tamasha to hay abhi

jhud hi bhatak rahy hen bayaban i khwab men
bahar nikalna chahen to rasta to hay abhi

mumkin nahin jo hont bhigona to kia hua
khush hen ke apni raah men darya to hay abhi

jesy ragon men khak si urti ho door tak
dil men be aik soorat i sehra to hay abhi

pani hadon say bahar uchalny ko hay mager
kuch us ky rasty men kinara to hay abhi

us say kabhi hamari mulaqat ho na ho
ham us ko dekh lety hen itna to hay abhi

aisa bhi reh na paay to phir kia karengy ham
waisa ager nahin hay wo aisa to hay abhi

ik phool is zameen pe baqi to hay yahan
apny falak pe koi sitara to hay abhi

marta hon men ke wo kahin khud hi na ho zafar
us baam par charagh sa jalta to hay abhi
 7.
Kam Ter Ki Hawas Mein Jo Brabar Ki Hawaa thi


 Kam ter ki havas mein jo brabar ki hawaa thi
Apni to samajh se hi baher woh hawaa thi

Kaya sabzai baigana bichha tha mery ander
Kaya charon taraf sabz sanober ki hawaa thi

Is sham to kuch aur bhi raushan the sitare
Aisi koi is mah-e-munawwer ki hawaa thi

Ek peR tha, aur,peR ke baher koi mausam
Ek bagh tha aur bagh ke ander ki hawaa thi

Ek chhanv rahi dhoop ki chader ke tale aur
Sahra ke bagolaon mein samander ki hawaa thi

Zanjeer zyan bhi thi mere paon mein lakin
Hathon mein kisi khuabe muatter ki hawaa thi

Main bhi tha kisi aur traf mahv-e-tamasha
Who bhi kisi mit-te huai manzar ki hawaa thi

Baher ki traf rukh tha mere seele sukhan ka
Lakin yeh kisi gunbad-e-be-der ki hawaa thi

Muddat se zafar ,rok rakh tah jise main ne
Sheeshe ke muqabil kisi pathther ki hawaa thi
8.
Yahaan Kisii Ko Bhii Kuchh Hasb-E-Aarzuu Na Milaa

yahaaN kisii ko bhii kuchh hasb-e-aarzuu na milaa
kisii ko ham na mile aur ham ko tuu na milaa

Ghizaal-e-ashk sar-e-subah duub-e-miZhgaaN par
kab apnii aaNkh khulii aur lahuu lahuu na milaa

chamakte chaaNd bhii the shahar-e-shab ke aivaaN meN
nigaar-e-Gham saa magar koii shamaa-ruu na milaa

unhii kii ramz chalii hai galii galii meN yahaaN
jinheN idhar se kabhii izn-e-guftguu na milaa

phir aaj mai-kada-e-dil se lauT aaye haiN
phir aaj ham ko Thikaane ka subuu na milaa
 9.
Ab Kyaa Kahen Guzarti Hai Guzraan Kis Tarah


ab kyaa kaheN guzarti hai guzraan kis tarah
mushkil hamaari hoti hai aasaan kis tarah

sach hai k aasmaan ko hai is ki kyaa Khabar
rehte haiN is zameen pe insaan kis tarah

pehle hi din bachi naheeN is ghar meN koyi cheez
bhugtaa'ooN gaa maiN roz ye mehmaan kis tarah

baahar ki samt khilte haiN kyoNkar gul o saman
andar ko phelte haiN bayaabaan kis tarah

ik Khaab meN guzaar to di hai tamaam 'umr
pooraa magar karooN gaa ye nuqsaan kis tarah

ham to chale hi jaa'yeN ge pedal bhi ai Zafar
hai mas'ala k jaaye gaa saamaan kis tarah

No comments:

Post a Comment