Tuesday, 6 November 2012

Saleem Kausar

Saleem Kausar
1.
kahani aur mohabbat

kahani aur mohabbat mein azal se jang jari hai
mohabbat mein aik aisa moR ata hai
jahan aa kar kahani haar jati hai
kahani mein to kuch kirdaar hum khud farz kar lete hein
mohabbat mein koi kirdaar bhi farzi nahen hota
kahani ko kaii kirdaar miljul kar
kahen agey chalate hain
mohabbat apne kirdaaron ko khud agey barhati hai
kahani mein kaii kirdaar zinda hi nahen rehte
mohabbat apne kirdaaron ko marne hi nahen deti
2.
 TUJHAY KESAY BATAYEN


 POOCHNAY WALAY TUJHAY KESAY BATAYEN AKHIR
DUKH IBARAT TOU NAHI JO TUJHAY LIKH KAR BHEJAIN
YE KAHANI BHI NAHI HAI KE SUNAYEN TUJH KO
NA KOI BAAT HAI AISI KE BATAYEN TUJH KO

YE KOI RAAZ NAHI JIS KO CHHUPAYEN TU WO RAAZ
KABHI CHEHRAY KABHI ANKHON SE CHHALAK JATA HAI
JESAY ANCHAL KO SAMBHALAY KOI, AUR TEZ HAWA
JAB BHI CHALTI HAI TU SHANON SE DHALAK JATA HAI

AB TUJHAY KESAY BATAYEN HAMAIN DUKH KIA HAI
JISM MEIN REENGTI REHTI HAI MUSAFAT KI THAKAN
APNAY KANDHON PE UTHAYE HUAY HAALAAT KA BOJH
APNAY QAMON SE HATATAY HUAY SAYA APNA
JIS KO BHI DEKHYE CHUP CHAP CHALA JATA HAI
KABHI KHUD SE KABHI RASTON SE ULAJHTA HAI MAGAR
JANAY WALA KISII AWAZ PE RUKTA HE NAHI

TU SAMAJHTA HAI KE KHUSHBU SE MO'ATTAR HAI HAYAAT
TU NE CHAKHA HE NAHI ZEHER KISI MOSAM KA
TUJH PE GUZRA HE NAHI RAQS-E-JUNOON KA AALAM
TU KABHI WAQT KI DEHLEEZ PE THEHRA HE NAHI

ZINDAGI FILM NAHI HAI KE DIKHAYEN TUJH KO
TU NE POOCHA HAI MAGAR KESAY BATAYEN TUJH KO
DUKH......TOU MEHSOOS HUA KARTA HAI
CHAHAY TERA HO KE MERA DUKH HO
ADMI WO HAI JISAY JEETAY JI
SIRF APNA NAHI SAB KA DUKH HO

CHAAK HO JAYE JO IK BAAR HAWAS KE HATHON
JAMA-E-ISHQ DOBARA TU NAHI SILTA HAI
AASMAN MERI ZAMEENON PE JHUKA HAI LEKIN
TERA AUR MERA SITARA HE NAHI MILTA HAI
3.
 Iss Baar Dil Nay Tujh Say Na MilnAy Ki Thaani Hay

Iss Baar Dil Nay Tujh Say Na MilnAy Ki Thaani Hay
Per Main Nay Kub Kisi Ki Koii Baat Maani Hay

Ik Subha Tere Sath Nikalna Hay Raat Say
Ik Shaam Tere Sath Kisi Din Manani Hay

Ik Bhed KholnA Hay Mujhy Tere Ru-BaRoO
Ik Baat Hay Jo MaiN Nay Tujhi ko Batani Hay

Mujh Ko Bhi Taaray Torr Lanay Ka Hay JunOo'n
Main Nay Bhi Aasmaan Ki Buhat Khaak Chaani Hay

Uss K Liye Bhi Shaher Basanaa Hay Ik Mujhay
Apnay Liye Bhi Ik Nai Duniya Banani HaY

Jo Kuch Main Likh Raha Hun, Woh RoDaad Hay Meri
Tum Perh Sako Tou Phir Ye Tumhari Kahani Hay

Kahta Hay Koi Aa, Issay Phir Say Likhain Saleem
Woh Daastaan-e-Ishq Buhat Hi Purani Hay
4.
Chalo un manzaroon k sath chalty hain

buhut din ho gay hain wehshatoon ki bheer main ham ko
darkhtoon par hawaain mousamoon key geet gati hain
jahan par chand taroon ko liye mat'ti main utra hy
jahan khamousyoun ko guftougo karny ki aadat hy
jahan sey rasty jaty hain anjani musafat ko
jahan sooraj ki kirnain rat par pehra bithati hain

Chalo un manzaroon k sath chalty hain

buhut din ho gay hain wehshatoon ki bheer main ham ko
zara in kashtiyon ko ghor sey dykhoo
jo patwaroon ki baNhooN main
samanadar main bichi khamooshyoun ko guftugo ka saaz dyti hain
hamain aawaz dyti hain
udhar dykhoo
parindy badloon k gird urty hian
kinaroon par utarty hain

Chalo un manzaroon k sath chalty hain

wo dykhoo qafla jata hy kuch naaqa sawaroon ka
musafat dhoop ki hy or safar hy reyzgaroon ka
kabhi jo rat parti hy to ye khymy lagaty hain
kisi ko yaad karny ki tarap main bhool jaty hain
inhi khymoon sy kitni dastanoo ky siry milty howy
naghmoon main dhalty hain

Chalo un manzaroon k sath chalty hain

kabhi bante bigarty daayroon k darmiyaan dekhoo
shikasta ho gaye becheragiky dukh main aainey
tamasha ho gain wiraaniyoon ky raqs main aankhain
yahan to guftugoo k saay bhi khamoosh rehty hain

Chalo un manzaroon k sath chalty hain

jahan khamosiyon ko guftaguu karny ki aadat hy
bahut din ho gay hain wehshaton ki bheer main ham ko
5.
usey kehna


kabhi milny chala aay
hamary paaon main jo rasta tha
rasty main peyR thy
peRoon pey jitni taaeyroon ki tooliyaan
ham sey mila karti thiin
ab wo urty urty thak gai hain
wo ghani shakhain jo ham pey saya karti thiin
wo sab murjha gai hain

tum usey kehna
kabhi milny cahala aay
laboon pey lafz hain
lafzoon main koi dastaan ,qissa, kahan
jo aksar usy sunaaty thy
kisy ja kar sunaain gey
batain gey

key ham mehraab e abroo main sitary takny waly
dar e lab bosa e izhaar ki dastak sey aksar kholny waly
kabhi bikhri hoi zulfoon main ham
mehtaab k gajrey bana kar bandhny waly
chaargh or aainey k darmiyaan
kab sey sar e sahil khary moujoon ko takty hain

usey kehna
usey ham yaad karty hain
usey kehna
ham aa kar khud usy milty
magar maqtal badalty mousmoun kya khoon main rangiin hain
aur ham
qatar andar qatar aysy buhut sey mousamoon
ky darmiyaan
tanha khry hain
jany kab apna bulawa ho
key ham main aaj bhi
aik umr ki waraftagi or wehshatoon ka raqs jari hay
wo bazi jo bisaat e jaan pey khyli thi
abhi ham ny na jeeti hy na hari hay

usy kehna
kabhi milny chala aay
key ab ki baar shayad
apni baari hy
6.
Mun aangan mein shehar basa hai


Mun aangan mein shehar basa hai,
shehar mein ek dareya behta hai
Jis mein chand sitare darpan,
kabhi na totne wale bandhan
Kaheen na bholne wali yadain,
tooti phooti kuch fareyadain
Raushan din aur jhilmil raatain
Lafz adhooray, poori raatain
Lehroo per umadtay jazbay behtay jayein
Koi kahani kehtay hayein
Haray bharay pairoo per shakhain sayoo ki zanjeer banayein
Dareya mein aflaak nahayein
Ander ke sab bhaid kinare khultay jayein
Mun angan mein shehar basa hai
Shehar mein ek darya behta hai
Darya ki lehroo mein rastay
Rastoo mein an dekhay sapne khile huwe hain
Khwab, dhanak, khushbo aur chehre mile huwe hain
Taiz hawa mein deep samay ke jale huwe hain
Lekin shehar ke darwazay per
Bekhwabi ke dukh sukh orhay
Jane kis ki aas mein ankhain
Neendoo ka pehra deti hain
7.
Bachpan ke wo dukh bhi


Bachpan ke wo dukh bhi kitne achay thay
tab to sirf khilone toota kartay thay

Wo khushiyan bhi janay kaisi khushiyan theen
titlee ke par noch ke uchlaa kartay thay

Paaon maar ke khud barish ke paani main
apni naao aap duboya kartay thay

ab to aik ansoo bhi ruswaa karta he
bachpan main dil khol ke roya kartay thay
8.
Iss Baar Dil Ne Tujh Say Na Milnay Ki Thani Hay


Iss Baar Dil Ne Tujh Say Na Milnay Ki Thani Hay
Per Main Nay Kub Kisi Ki Koii Baat Maani Hay

Ik Subha Tere Sath Nikalna Hay Raat Say
Ik Shaam Tere Sath Kisi Din Manani Hay

Ik Bhed Kholna Hay Mujhy Tere Ru-BaRuu
Ik Baat Hay Jo MaiN Nay Tujhii ko Batani Hay

Mujh Ko Bhi Taaray Torr Lanay Ka Hay JunOo'n
Main Nay Bhi Aasmaan Ki Bahot Khaak Chaani Hay

Uss K Liye Bhi Shaher Basanaa Hay Ik Mujhay
Apnay Liye Bhi Ik Nai Duniya Banani Hay

Jo Kuch Main Likh Raha Hun, Woh RuDaad Hay Meri
Tum PeRh Sako Tou Phir Ye Tumhari Kahani Hay

Kahta Hay Koi Aa, Issay Phir Say Likhain 'Saleem'
Woh Daastaan-e-Ishq Bahot Hi Purani Hay

No comments:

Post a Comment