Friday, 2 November 2012

Poems by Pash; Avtar Singh Sandhu "Pash"

Avtar Singh Sandhu "Pash"
(September 9, 1950 – March 23, 1988)

1.
Ab vida leta hun


Ab vida leta hun
Mere Dost, Main ab vida leta hun
Maine ek Kavita Likhani chahi thi
Sari umra jise tum paRti rah sakti
Uss kavita mein
Mahkate huye dhaniye ka zikra hona tha
Iikh kii sarsrahat ka zikra hona tha
Uss kavita mein vrikshon se tapakati oss
Aur balti mein dunhe dudh par gaati jhag ka zikra hona tha
Aur jo bhi kuch
Maine tumhare jism mein dekha
Uss sab kuch ka zikra hona tha
Uss kavita mein mere hathon ki sakhti ko muskurana tha
Meri janghon ki machliyon ne tairna tha
Aur meri chhati ke balo ki naram shawl mein se
Snigndhta ki lapte uthni thi
Uss kavita mein
Tere liye
Mere liye
Aur zindagi ke sabhi rishton ke liye bahut kuch hona tha meri dost
Lekin bahut hi beswad hai
Duniya ke iss ulje huye nakse se nipatnaa
Aur yadi main likh bhi leta
shakuno se bhari vah kavita
Tou usse vese hi dam toR dena tha
Tumhen aur muje chhati par bilkhate chor kar
Meri dost, kavita bahut hi nistya ho gayi hai
Jabki hatiyaro ke nakhun buri tarah baR aaye hai
Aur ab har tarah ki Kavita se pahle
Hatiyaron ke khilaf yuddh karna zaruri ho gayaa hai
Yuddh mein
Har chiz ko bahut asani se samaj liya jata hai
Apna ya dushman ka naam likhne ki tarah
Aur iss sthiti mein
Meri taraf chumban ke liye baRe hoto ki gola_ii ko
DhaRti ke aakaar ki upmaa dena
Ya teri kamar ke lahrane ki
Samundra ke sans lene se tulna karna
BaRa mazaak saa lagtaa tha
So maine esa kuch nahi kiya
 Tumhe
Mere angan mein mera bachcha khila sakne ki khwahish ko
Aur yuddh ke samuchepan ko
Ek hi kataar mein kaRa karna mere liye sambhav nahi huaa
Aur ab main vida leta huuN
Meri dost ham yaad rakhenge
Ki din mein lohar ki bhatti ki tarah tapne wale
Apne ganv ke tiil_e
Raat ko phoolo ki tarah mahak utthate hai
Aur chandani mein page hu_ii Iikh ke sukhe patton ke dhero par let kar
Swarg ko galii dena, bahut sangiitmay hota hai
Haan, yeh hamen yaad rakhnaa hogaa kyunki
Jab dil kii jebo mein kuch nahi hota
Yaad karna bahot hii acha lagta hai
Main iss vida_ii ke pal ka sukriya karna chahta huu_N
Unn sabi hasin chizon kaa
Jo hamare milan par tambu kii tarah tanti rahii
Aur unn aam jagahon kaa
Jo hamare milne se hasin ho ga_ii
Main sukriya karta hun
Apne sir par thahar jaane wali
Teri tarah halki aur geeto bhari hawaa kaa
Jo mera dil lagaye rakhti thi tere intzaar mein
Raste mein uggi hu_ii ghas kaa
Jo tumhari larzati chaal ke samne hamesha bichh jata tha
 Tido se utarii kapaas kaa
Jisne kabhi bhi ko_ii uzr na kiyaa
Aur hameshaa muskra kar hamaare liye sez ban ga_ii
Ganno par tainat piddion ka
Jinhone aane-jaane walo ki bhanak rakhi
Jawaan huye gehun kii baaliyon kaa
Jo ham baithe huye na sahi, lete huye to dhankti rahi
Main sukra guzaar huuN, sarso ke nanhe phoolo kaa
Jinhone ka_ii baar muje awasar diyaa
Tere kesho se parag kesar jaRne ka
Main Admi huuN, bahut kuch chotaa-chotaa joRkar banaa huuN
Aur unn sabhi chizon ke liye
Jinhone muje bikhar jane se bachaye rakhaa
Mere paas sukrana hai
Main sukriya karnaa chahta huuN
 Pyar karna bahut hii sahaj hai
Jese ki julm ko jelte huye khud ko laRa_II ke liye teyaar karnaa
Yaa jese guptwaas mein lag_II goL_ii se
kisi gufaa mein paRe rah kar
Zakhm ke bhrne ke diin kii kalpnaa kareN
Pyaar karnaa
Aur LaR saknaa
Jeene par iimaan le aanaa meri dost, Yehi hota hai
 Dhuup kii tarah dharti par khil jaanaa
Aur fir aalinGan mein simat jaanaa
Barood ki tarah bhaRak Uthnaa
Aur charon dishaaon mein gunj jaanaa
Jeene ka yehi salikaa hotaa hai
Pyaar karna aur jeena unhen kabhi nahin aayegaa
Jinhen zindag_ii ne baniye banaa diyaa
Jism kaa rishtaa samaj saknaa
Khushi aur nafrat mein kabhi bhi lakir na khiinchNa
Zindagi ke faile huye aakar par fida hona
Saham ko cheergar milna aur vida hona
BaRi shoorvirtaa ka kaam hota hai meri dost
Main ab vida hota huuN
 Jeene kaa yehi salika hotaa hai
Pyaar karnaa aur jeena unhen kabhi aayega nahin
Jinhen zindagi ne hisaabi banaa diyaa
 Tuu bhooL jaanaa
Maine tumhen kis tarah palkon mein Paal jawaan kiyaa
ki meri nazaron ne kyaa kuch nahin kiyaa
tere naqshon kii dhaar bandhne mein
Ki mere chumbanon ne
kitnaa khoobsoorat kar diyaa teraa chehraa ki mere aaaliNganon ne
Tera mom jesa badan kese sanche mein dhala
Tuu vah sabhi bhool jana meri dost
Siva isake ki muje jeene kii bahut iichaa thi
Ki main gale tak zindagi mein doobna chahtaa tha
Mere bhi hisse kaa jee lena
Meri dost mere hisse kaa bhi jee lenaa
2.
Sapne

Har kisii ko nahi aate
Bezaan Baarud ke kano mein
So_ii aag ke sapne nahin aate
Badi ke liye uth_ii hu_ii
Hatheli ko pasiine nahi aate
Shelfo mein PaRe
Itihaas ke grintho ko sapne nahi aate   
apno ke liye lazmi hai
jhelne wale dilo ka hona
Neend kii nazar honi lazmii hai
Sapne isliye har kisi ko nahi aate
3.
 Aadhi raat mein

 Aadhi raat mein
Meri kapkapi saat raja_iion mein bhi na ruki
Satluj mere bister par utar aayaa
Saato razaaiya Giilii
Bukhar ek so chh, ek so saat
Har saans paseena paseena
Yug ko paltane mein lage log
Bukhar se nahi marte
Mrityu ke kandho par jaanewalo ke liye
Mrityu ke baad zindagi ka safar shuru hota hai
Mere liye jis sury kii dhoop varzit hai
Main usaki chhaya se bhi inkar kar dunga
Main har khaali surahi toR dunGa
Mera KhooN aur paseena mitti mein mil gayaa hai
Main mitti mein dab jaane par bhi uG aau.Nga
4.
 Unke shabd lahoo ke hote hai

Jinhone umr bhar talwaar kaa geet gaayaa
Unke shabd Lahoo ke hote hai
Lahoo lohe kaa hota hai
Jo maut ke kinaare jeete hai
Unki maut se zindagii ka safar shuroo hota hai
Jinka lahoo aur pasiinaa mitti mein gir jata hai
Ve mitti mein dab kar uug aate hai
5.
Hamaare lahoo ko aadat hai

Hamaare lahoo ko aadat hai
Mausam nahi dekhta, mahfil nahi dekhta
Zindagi ke jashn shuroo kar letaa hai
Sulii ke geet chheR letaa hai

Shabd hai ki pattharo par bah-bahkar ghis jaate hai
Lahoo hai ki tab bhii gaataa hai
Jaraa soche ki ruthii raton ko kaun manaaye?
Nirmohi palo ko hatheli_o par kaun khila_e
Lahoo hii hai jo roZ dharaa_o ke hot chumtaa hai
Lahoo tarikh ki deewaro ko ulangh aataa hai
Yeh jasn yeh geet kisi ko bahut hai
Jo kal tak hamaare lahoo ki khamosh nadi mein
Terne ka abhyas karte the
6.
 Main ghaas hun

Main aapke har kiye-dhare pe ugg aauungaa
Bam fek do chahe vishwvidyalay par
Banaa do hostle ko malbe kaa Der
Suhaagaa firaa do bhale hii hamaari jopRiyon par
Muje kyaa karoge
Main to ghaas hun har chiiz par ugg aauungaa
Bange ko Der kar do
Sangrur mita dalo
Dhool mein milaa do ludhiyana jila
Meri hariyali apna kaam karegi
Do saal....das saal baad
Sawariya fir kisi kandctar se puucheGi
Yeh kaun sii jagah hai
Muje barnala utaar denaa
Jahan hare ghaas ka jangal hai
Main ghas huN, main apna kaam karuNga
Main apke har kiye dhare par ugg aauungaa
7.
 Vafaa

Barso taRapkar tumhare liye
Main bhul gayaa hun kab se, apani aawaaz kii pehchan
Bhashaa jo siikhii thi, manushy jesa lagne ke liye
Main usake saare akshar joRkar bhii
Mushkil se tumharaa naam hii ban sakaa
Mere liye va_Rn apanii dhwanii kho baithe hai bahut der se
Main ab likhta nahin-tumhaare ango ki sirf
Parcha_ii pakaRtaa huuN.

Kabhi tumne dekhaa hai lakiron ko bagaawat karte?
Ko-ii bhi akshar mere haatho se
Tumhari tasviir ban kar hii niklataa hai
Tum mujhe hasil ho lekin kadam bhar kii duuri par
Shayad vah kadam meri umr se nahin
Mere ka_ii janmo se bhii baRaa hai
Yeh kadam failte huye lagaataar
Rog legaa meri puuri dharti ko
Yeh kadam maap legaa mrit aakaasho ko
Tum desh mein hii rahnaa
Main kabhii lautuungaa vijetaa ki tarah tumharen aangan mein
Iss kadam yaa muje
Zaruur dono mein se kisi ko qatl honaa hogaa.

7 comments:

  1. This comment has been removed by a blog administrator.

    ReplyDelete
  2. Thanks for the post. Being from a non hindi speaking area this was very helpful.

    ReplyDelete
  3. Could you tell me who is the translator of Pash's poems? He used to write in punjabi.

    ReplyDelete
  4. Could you tell me who is the translator of Pash's poems? He used to write in punjabi.

    ReplyDelete
  5. He is a professor of jnu,I don't know his name .

    ReplyDelete