Tuesday, 6 November 2012

Munir Niazi, Munir Niyazi

Munir Niazi
1928–2006
1.
Wo shakhs andheron mein ujaalon kee tarah tha


Patthar tha magar barf kay galon kee tara tha
Wo shakhs andheron mein ujaalon kee tarah tha

Khawabon kee tara tha na kheyalo kee tara tha
Wo ilam-e-reyazi kay sawalon kee tarah tha

Ulja howa aisa kay kabi sulaj na paya
Sulja howa aisa kay misalon kee tarah tha

Wo hamain mil he gya tha magar apna makkaddar
Shutrang kee ulji howee chalon kee tarah tha

Wo rooh mein khushboo kee tara ho gya tehleel
Wo door chand mein baadlon kee tarah tha

Aik wo bhee tha jis waqt Munir
Mein sabar kay labraiz pemaanon kee tarah tha
2.
Khalish

Vo Khuubasuurat ladakiyaan
Dasht-e-vafaa kii hiraniyaan
Shahar-e-shab-e-mahataab kii
Bechain jaaduugaraniyaan

Jo baadalon mein kho ga_ii
Nazaron se ojhal ho ga_ii
Ab sard kaalii raat ko
Aankhon mein gaharaa Gam liye
Ashkon kii bahatii nahar mein
Gulnaar chehare nam kiye

Hastii kii sarahad se pare
Khvaabon kii sangiin ot se
Kahatii hain mujh ko bevafaa
Ham se bichhaRakar kyaa tujhe
Sukh kaa Khazaanaa mil gayaa

 3.
Hamesha der kar detaa hun main


zaruri bat kahni ho
ko_ii wada nibhana ho
use awaz deni ho
use wapas bulana ho
hamesha der kar detaa hun main

madad karni ho uski
yar ki dharas bandhana ho
bahut derina raston par
kisii se milne jana ho
hamesha der kar detaa hun main

badalte mausamon kii sair main
dil ko lagana ho
kisii ko yad rakhna ho
kisii ko bhul jana ho
hamesha der kar detaa hun main

kisii ko maut se pahle
kisii gam se bachna ho
haqiqat aur thi kuch
us ko ja k ye batana ho

hamesha der kar detaa hun main
 4.
Dil Jal Rahaa Tha Gham Se

Dil Jal Rahaa Tha Gham Se Magar Nagmagar Raha
Jab Tak Rahaa Main, Saath Mere Yeh Hunar Raha

Subah-E-Safar Ki Raat Thi, Taare The, Aur Hawa
Saaye Sa Ek, Der Talak, Baam Par Raha

Meri Sadaa Hawa Mein Bohat Door Tak Gayi
Par Main Bulaa Raha Tha Jise, Bekhabar Raha

Guzari Hai Kyaa Maze Se Khayaalon Mein Zindagi
Doori Ka Yeh Tilism Bada Kaargar Raha

Khauf Aasmaan Ke Saath Tha Sar Par Jhuka Hua
Koi Hai Bhi Ya Nahin Hai,Yehi Dil Mein Dar Raha

Is Aakhiri Nazar Mein Ajab Dard Tha ‘Munir’
Jaanay Ka Uske Ranj Mujhe Umr Bhar Raha
5.
Hum-zubaan mere they


Hum’zubaan mere they in ke dil magar achey na they
Manzilain achi thee’n mere hum’safar achey na they

Jo khabar pohanchi yahan tak asal surat mein na thi
Thi khabar achi magar ehl-e-khabar achey na they

Bastiyon ki zindagi mein be’zari ka zulm tha
Log achey they wahan ke ehl’e’zar achey na they

Hum ko khubaa’n main nazar ati theen kitni khoobiyan
Jis qadar achey lage they is qadar achey na they

Is liye aayi nahin ghar mein mohabbat ki hawaa
Is mohababt ki hawaa ke muntazir achey na they

Ik khayal-e-haam hi murshad tha in ka aye Munir
Yaani apne sheher mein ehl-e-nazar achey na they
 6.
Main Tha Apnay Khumaar Mein Baitha


 Saaya-e-Qasr-e-Yaar Mein Baitha
Main Tha Apnay Khumaar Mein Baitha

Os Ka Aana Tha Khwaab Mein Aana
Main Abs-e-Intezaar Mein Baitha

Koi Soorat Nahi Hai Os Jaisi
Osko Dekho Hazaar Mein Baitha

Osko Khushion Se Khauf Aata Hai
Weham Kia Zehen-e-Yaar Mein Baitha

Hum Bhee Raston Main Phir Rahay They Muneer
Wo Bhee Tha Raahguzar Mein Baitha

7.
Kisi Ko Apnay Amal Ka Hisaab Kyaa Detay


Kisii Ko Apnay Amal Ka Hisaab Kyaa Detay ?
Sawaal Saaray Ghalat Thy Jawab Kyaa Detay ?

Kharab Sadyon Ki Be-Khwabiyan Theen Aankhon Main
Ab In Be-Aant Khala’on Main Khwaab Kyaa Detay ?

Hawa Ki Tarha Musafir Thy Dilbaron K Dil
Unhain Bus Aik Hee Ghar Ka Azaab Kyaa Detay ?

Sharaab Dil Ki Talab Thi Sharaa K Pehray Main
Hum Itni Tangi Main Us Ko Sharaab Kyaa Detay ?

Munir Dasht Shuroo Se Saraab Aasa Tha
Os Aainay Ko Tamanna Ki Aab Kyaa Detay?
 8.
Tujhse bichaR kar kyaa huun main


Tujhse bichaR kar kyaa huun main, ab baahar aakar dekh
Himmat hai to meri haalat, aankh mila kar dekh

Shaam hai gehri, tez hawaa hai, sar pe khari hai raat
Rasta gaye musafir ka ab diya jalaa kar dekh

Darwaze ka paas aa aa kar wapis muRti chaap
Kaun hai iss sunsaan gali main, paas bula kar dekh

Shayed koi dekhne wala ho jaye khairaan
Kamre ki deewaron par koi naqsh bana kar dekh

Tu bhi Munir ab bhare jahaan main mil kar rehna seekh
Bahar se to dekh liya, ab andar jaa kar dekh

No comments:

Post a Comment