Wednesday, 7 November 2012

Jameel Mazhari

JAMEEL MAZHARI: He was inventer of TRI-MISRA GHAZAL

1.
Husn jab arsh se utra to lab-e-baam aya
Manzil-e- noor ta zulf-e- siah faam aya
Hawas-e-said meiN phailaaye hue daam aayaa

Sar-e-shoridah na jab paye sanam tak pahoNcha
Barak Allah junooN baab-e-haram tak pahoNcha
Ghul hai kaabe meiN rah-e-kardah-e aasnaam aayaa

Wohi zehnoN meiN kaji garadn-o-dastaar bhi kaj
Kajravi hai teri taareekh ki raftaar bhi kaj
Tujh ko chalna na kabhi gardish-e-ayyaam aayaa

Dar hai aye aql ke thande na hoN bazaar tere
Tod deN teri taraazoo na khareedaar tere
Teri duniya meiN kidhar ishq ghalat gaam aayaa

YoorisheN mantaq-o-hikmat ki ayazan billah
Dil-e-arbab-e-mohobbat meiN mili tujh ko panah
Na to kaaba na sanam khana tere kaam aya

Jin ko pindaar-e-khirad tha who huye saudaayi
Shaanah faarigh hua aayeene ne fursat paayi
Ab to aye naaz-e-khud aara tujhe araam aayaa?

Haq to yeh hai ke ibaadat bhi junooN thi lekin
Zuhad kya aql ki shiddat bhi junooN thi lekin
Bach gaye sab tere deewaanoN pe ilzaam aayaa

Ab to is booye pareshaaN ko qareeb apne bulaao
Ab to paidaa karo kuchh apni tabiyat meiN jhukaao
Ke phir is zulf-e-girahgeer ka paighaam aayaa

Us ke har naaz pe jhuk jhuk ke kahaaN tak hoN zaleel
Abhi seedha na hua tha kham-e-gardan ke JAMEEL
Ek naye bhes meiN phir fitna-e asnaam aayaa

2.
Hameen thhey apne liye aap ek hijaab Jamil
Ham uthh gaye to zamaane ne hamko pahchaana

3.
Baqadar-e-paimaana-e-takhayyul suruur har dil mein hai khudee ka
Aagar na ho ye fareb-e-paiham to dam nikal jaaye aadmii ka

No comments:

Post a Comment