Tuesday, 6 November 2012

Ehsaan Danish

1914 - 1982
1.
Yun Naa Mil Mujse, Khafa Ho Jaise 

Yun naa mil mujse, khafa ho jaise
Saath chal, mauj-e-sabaa ho jaise

Log yun dekh kar hans dete hain,
Tu mujhe bhool gaya ho jaise,

Sharam ko shirk ki had tak na badha,
Yun na mil hamse Khudaa ho jaise,

Maut bhi aai tou is naaz ke saath,
Mujh peh ehsaan kiya ho jaise,

Aise anjaan bane baithe ho,
Tum ko kuch bhi na pata ho jaise,

Hichkiyaan raat ko aati hi rahin,
Tu ne phir yaad kiya ho jaise,

Zindagi yuun beet rahi hai "daanish",
Ek bejurm sazaa ho jaise..

2.
  Nazar fareb-e-kaza kha gai to kya hoga
 
Nazar fareb-e-kaza kha gai to kya hoga
 hayat maut se takra gai to kya hoga

nai sahar ke bahut log muntzir hain magar
nai sahar bhi kajla gai to kya hoga


na rahnumaoon ki majalis main le chalo mujhko
mai be-adab hoon hansi a gai to kya hoga


ghum-e-hayat se beshaq hai khudkushi asan
magar jo maut bhi sharma gai to kya hoga


shabab-e-lala-o-gul ko pukarnewaloo
khiza-sirisht bahar a gai to kya hoga


ye fikr kar ki is asodagi ke dhoke main
teri Khudi ko bhi maut a gai to kya hoga


hoshi chini hai to Ghum ka bhi aitmad na kar
jo rooh Ghum se bhi ukta gai to kya hoga

3.
sirf ashq-o-tabassum main uljhe rahe

  sirf ashq-o-tabassum main uljhe rahe
humne dekha nahi zindgi ki taraf

 
rat Dhalte jab unka Khayal aa gaya
tik-tiki bandh gai chandni ki taraf

 
kon sa jurm hai kya sitam ho gaya
ankh agar uth gai, aap hi ki taraf

 
jane wo multafit ho kidhar bazm main
aansoon ki tarf ya hansi ki taraf

4.  
Kabhi Mujh Ko Sath Lekar, Kabhi Mere Sath Chal Kar

 kabhi mujh ko sath lekar, kabhi mere sath chal kar
vo badal gaye achanak meri zindagi badal kar

huye jis pe meharaban tum koi khushnasib hoga
meri hasraten to nikalin mere ansuon main dhal ke

teri zulf-o-ruKh k qurban dil-e-zar dhundta hai
vahi champai ujale vahi surmai dhundalake

koi phul ban gaya hai koi chand koi tara
jo chirag bujh gaye hain teri anjuman main jal ke

mere dosto Khudara mere sath tum bhi dhundo
vo yahin kahin chupe hain mere gam ka rukh badal ke

teri bejhijhak hansi se na kisi ka dil ho maila
ye nagar hai ainon ka yahan sans le sambhal kar
5.
  Purasish-E-Gam Kaa Shukriyaa

 purasish-e-Gam kaa shukriyaa, kyaa tujhe aagahii nahii.n
tere baGair zindagii dard hai, zindagii nahii.n


[aagahii=knowledge]


daur thaa ek guzar gayaa, nashaa thaa ek utar gayaa
ab vo muqaam hai jahaa.N shikvaa-e-beruKhii nahii.n


tere sivaa karuu.N pasa.nd kyaa terii qaayanaat me.n
dono.n jahaa.N kii ne_amate.n, qiimat-e-ba.ndagii nahii.n


laakh zamaanaa zulm Dhaaye, vaqt na vo Khudaa dikhaaye
jab mujhe ho yaqii.n ki tuu haasil-e-zindagii nahii.n


dil kii shaguftagii ke saath raahat-e-mayakadaa ga_ii
fursat-e-mayakashi to hai, hasarat-e-mayakashii ga_ii


[shaguftagii=to bloom]


zaKhm pe zaKhm khaake jii, apane lahuu ke ghuu.NT pii
aah na kar, labo.n ko sii, ishq hai dillagii nahii.n


dekh ke Khushk-o-zard phuul, dil hai kuchh is tarah maluul
jaise terii Khizaa.N ke baad, daur-e-bahaar hii nahii.n
6.
 Nigah e Yaar Mein Palko'n Ki Gar Lagam Na Ho

 nigah e yaar mai palko'n ki gar lagam na ho
badan mai door talak zindagi ka naam na ho

wo be naqab jo phirta hai gali kucho'n mai
to kaisey shehr k logon mai qatl e aam na ho

mujhey yaqeen hai k dunya mai dard barh jayain
agar ye peene pilaney ka ahtamam na ho

bithha k samney bas dekhta rahoon tujhko
terey siwa mujhe dunya mai koi kaam na ho

jo uss ko dekh le Mehtab ik nazar Danish
merey shehr ki faza'on mai koi sham na ho

7.
Jabeen Ki Dhool,  Jigar Ki Jalan Chupaey Ga
 Jaben ki dhool,jigar ki jalan chopaey ga
shoro ishq hai wo fitratan chopaey ga

damak raha hai jo nas nas ki tishnagi se badan
es aag ko na tera perahan chopaey ga

tera elaaj shafa gah-e-asr-e-nou main nahi
khurd k ghaao tu dewana pan chopaey ga

hisaar-e-zabt hai asr-e-rawan ki parchaaen
malaal-e-rooh ko kub tak badan chopaey ga

nazar ka fard-e-amal se hai silsila darkaar
yaqen na kar,ye siyahi kafan chopaey ga

kisay khabar thi ye dour-e-khudgarz ek din
jonou se qemat daar-o-rasan chopaey ga

tera ghubaar zameen pe utarnay wala hai
kahan tak ab ye bagola thakan chopaey ga
8.
Main beadab huaa ki vafaa mein kamii hu_ii
  Main beadab huaa ki vafaa mein kamii hu_ii
 Hoto pe kyon hai moharekhmoshii lagii hu_ii

Ankhon kii niind, dil ka sukun, khwab ho gayaa
Main sochtaa hun, ye bhi ko_ii zindagi hu_ii

Mumkin ho jis tarah se tuufaan mein lo panaah
Kashtii ko_ii milii bhii kinaare lagii hu_ii

Kambkht dil jalaa hai tou ghar bhi jalaa ke dekh
Duniyaa ko kuchh pataa tou chale roshnii hu_ii

Ehsaas mar na jaye tou insaan ke liye
Kafii hai ek raah kii thokar lagii hu_ii

Jiskaa na thaa khyaal vo mehshar bapaa huaa
Jis baat ki umid nahi thii vahi hu_ii

Aanshuu bahe tou dil ko moyssar huaa sukuun
Paanii lagaa tou kash-e-tamnna hari hu_ii

Aayi na unke saamne hoto pe dil kii baat
Har chand gaah gaah mulaakaat bhi hu_ii

Vo jab kabhii mile tou ye kahke rah gaye
Muddt ke baad aapko dekhaa kushii hu_ii
Meaning:
Moharekhamoshi = chup rahne kii mohar, mehshar bapa huaa = kayaamat, kasht-e-tamnna = Ichhaon ki
khetii
 

No comments:

Post a Comment