Wednesday, 7 November 2012

Asghar Gondavi

Asghar Gondavi
1856 - 1936 
Asghar Hussain 'Asghar' popularly known as Asghar Gondvi was a learned Sufi poet. He was the spritual desciple of Hazrat Qaazi Abdul Ghani R.A.,Asghar believed in the Sufi doctrine of wahdat-ul-wajood or the unity of being and that is prominently visible in his poetry.Other than his poetry Asghar will always be remembered for his influence on Jigar Muraadabadi. Jigar had great respect for the spiritual qualities of Ashgar & considered him as his spiritual teacher.
Asghar got Jigar to marry his wife's sister to solve the his personal problems which included the habit of drinking.The relation between the two had great impact on Jigar's poetry, which is visible in the later part of Jigar's Poetry.
1.
Nazar Wo Hai

Nazar wo hai ke jo kaun-o-makaan ke paar ho jaaye
Magar jab roo-e-taabaan par pade bekaar ho jaaye

Nazar us husn par thahre to aakhir kis tarah thahre
Kabhi jo phool ban jaaye, kabhi rukhsaar ho jaaye

Chalaa jaata hoon hansta khelta mauj-e-hawaadis se
Agar aasaaniyaan ho zindagi dushwaar ho jaaye
2.
Ye Mujh Se Puuchhiye


ye mujh se puuchhiye kyaa justajuu men lazzat hai
fazaa-e-dahar men tahaliil ho gayaa huun main

hataake shiishaa-o-saagar hujuum-e-mastii men
tamaam arsaa-e-aalam pe chhaa gayaa huun main

udaa huun jab to falak pe liyaa hai dam jaa kar
zamiin ko tod gayaa huun jo rah gayaa huun main

rahii hai khaak ke zarron men bhii chamak merii
kabhii kabhii to sitaaron men mil gayaa huun main

samaa gaye merii nazaron men chhaa gaye dil par
khayaal karataa huun un ko ki dekhataa huun main
 3.
Ye Raaz Hai Merii Zindagii Kaa


ye raaz hai merii zindagii kaa
pahane huye huun kafan khudii kaa

phir nashtar-e-gam se chhedate hain
ik tarz hai ye bhii dil dahii kaa

o lafz-o-bayaan men chhupane vaale
ab qasd hai aur khaamoshii kaa

maranaa to hai ibtadaa kii ik baat
jiinaa hai kamaal muntahii kaa

haan siinaa gulon kii tarah kar chaak
de mar ke sabuut zindagii kaa
4.
 Husn ko wusaten jo dee

Husn ko wusaten jo dee, ishq ko hausla diya
Jo na mile na mit sake mujh ko wo mudd'aa diya

Haath me leke jaam-e-maey, aaj wo muskura diya
Aql ko sard kar dia ruh ko jagmaga diya

Dil pe liya hai daag-e-ishq, khoke bahaar-e-zindagi
Ik ghul-e-tar ke waaste mainey chaman lutaa diya

Kuchh to kaho ye kya hua, tum bhi the saath kya
Gam me yah kyun suroor tha dard ne kyun maza diya

Ab na yah meri zaat hai ab na ye kaaenaat hae
Mainey nawa-e-ishq ko saaz se yun mila diya

Aks jamaal-e-yaar ka aainaa-e-khudi me dekh
Yah ghum-e-ishq kya dia mujhse mujhe chhipa diya

Hashr me aaftaab-e-hashr aur wo shor-e-al'amaan
'Asghar'-e-butparast ne zulf ka waasta diya

No comments:

Post a Comment