Sunday, 7 October 2012

Mirza Rafi Sauda

 Mirza Muhammad Rafi 'Sauda' 
1713–1781
1.
Aadam kaa jism jab ke anaasar se mil banaa 
aadam kaa jism jab ke anaasar se mil banaa
kuchh aag bach rahii thii so aashiq kaa dil banaa

sar_garm-e-naalaa aaj kal mai.n bhii huu.N andliib
mat aashiyaa.N chaman me.n mere muttasil banaa

jab teshaa kohakaan ne liyaa haath tab ye ishq
bolaa ke apanii chhaatii pe rakhane ko sil banaa

jis tiiragii se roz hai ushaaq kaa siyaah
shaayad usii se cheharaa-e-Khubaa.N pe til banaa

lab zindagii me.n kab mile us lab se ai! kalaal
saaGar hamaarii Khaak ko mat kar ke gil banaa

apanaa hunar dikhaa de.nge ham tujh ko shiishaagar
tuuTaa hua kisii ka agar hamase dil banaa

sun sun ke arz-e-haal meraa yaar ne kahaa
"Sauda" na baate.n baiTh ke yaa.N muttasil banaa 
2.
aashiq kii bhii kaTatii hai.n kyaa Khuub tarah raaten 
 
aashiq kii bhii kaTatii hai.n kyaa Khuub tarah raaten
do chaar ghaDii ronaa, do chaar ghaDii baaten

merta huN main is dukh se, yaad aatii hain vo baaten
kya din vo mubaarak the, kyaa Khuub thii.n vo raate.n

auron se chhuTe dilabar, diladaar hove meraa
bar haq hai agar peeron, kuchh tum men karaamaaten

kal laD gain kuuche main aaNkhon se merii aaNkhen
kuchh zor hii aapas main do do huin samaghaaten

is ishq ke kuuche main zaahid tu sambhal chalanaa
kuchh pesh na jaavaingi yahaaN terii manajaaten

Saudaa ko agar puuchho ahavaal hai ye usakaa
do chaar ghaDii ronaa, do chaar ghaDii baate.n 
3.
jab yaar ne uThaa kar zulfo.n ke baal baa.Ndhe 

 jab yaar ne uThaa kar zulfo.n ke baal baa.Ndhe
tab mai.n ne apane dil me.n laakho.n Khayaal baa.Ndhe

do din me.n ham to riijhe ai vaa_e haal un kaa
guzare hai.n jin ke dil ko yaa.N maah-o-saal baa.Ndhe

taar-e-nigaah me.n us ke kyo.n kar phaa.Nse na ye dil
aa.Nkho.n me.n jis kii laakho.n vahshii Ghazaal baa.Ndhe

bose kii hai to Khvaahish par kahiye kyo.n ke us se
jis se mizaaj-e-lab par haraf-e-savaal baa.Ndhe

maaroge kis ko jii se kis par kamar kasii hai
phirate ho kyo.n pyaare talavaar Dhaal baa.Ndhe

do chaar sher aage us ke pa.Dhe to bolaa
mazamuu.N ye tuune apane kya hasb-o-haal baa.Ndhe

"Sauda" jo un ne baa.Ndhaa zulfo.n me.n dil sazaa hai
shairon me.n us ke tuu ne kyo.n Khad-o-Khaal baa.Ndhe
4.
Dil mat Tapak Nazar Say ke Paya Na Jay Ga
 Dil mat Tapak Nazar Say ke Paya Na Jay Ga,
Ju’ N Ashak phar Zami’N Say Uthaya Na Jay Ga.

Kaba Agarcha Toota to Kya Jay Ghum Hay Shaikh.
Kuch Kaser-e-Dil Nahe’N Ka Banaya NA Jay Ga.

Punhche’ N gay is Chaman May’ N Na Hum Dadad Ko Kabhi.
Ju’ N Gull Yah Chaak-e-Jab Silaya Na Jay Ga.

Ammama Ko Utar Kay Padyo Namaz Shaikh,
Sajday Say Varna Sar Ko Uthaya Na Jay Ga.

Zalim My’ N Keh Raha Hu’ N Ke Is Khu’ N Say Dar Guzar,
Sauda Ka Qatel Hay Yah Chupaya Na Jay Ga.
 
5.
jo guzarii mujh pe mat us se kaho huaa so huaa 

 jo guzarii mujh pe mat us se kaho huaa so huaa
balaa, ki shaan-e-muhabbat me.n jo huaa so huaa

mubaadaa ho ko_ii zaalim teraa girebaa.Ngiir
mere lahuu ko to daaman se dho huaa so huaa

pahu.Nch chukaa hai sirr-e-zaKhm dil talak yaaro.n
ko_ii siyo ko_ii maraham karo huaa so huaa

ye kaun haal hai ahavaal-e-dil pe ai aa.Nkho.n
na phuuT phuuT ke itanaa baho huaa so huaa

diyaa use dil-e-ziist ab ye jaan hai "Sauda"
phir aage dekhiye jo ho so ho, huaa so huaa 

6.
Na daanah saath le Sayyaad taiN le daam letaa jaa
na daanah saath le Sayyaad taiN le daam letaa jaa
chaman meN ham_safiiroN ko miraa paiGHaam letaa jaa

agar dil le chalaa jii kii Khalish mat chhoRh siine meN
saHar le jaa nahiiN saktaa to us ko shaam letaa jaa

na thii taufiiq agar bose kii to itnaa hii kah dete
jo aayaa hai to Khaalii mat phire, dushnaam letaa jaa

agar ai naalah too chaahe ke us ke gosh tak pohNche
asar thoRhaa kahiiN se kar ke qarz-o-daam letaa jaa

huaa maiN dil ke le jaane pe raazii terii Khaatir se
kahaa kab thaa ke saath us ke miraa aaraam letaa jaa

Khayaal un aNkhRhiyoN kaa chhoRh mat marne ke ba'da az bhii
dilaa, aayaa jo too us mai_kade meiN, jaam letaa jaa

jo chaahe, muGh_bache tujh ko aziyyat deN na, ai zaahid
galee meiN us kii ab ''Sauda'' kaa aksar naam letaa jaa 

7.
 Kis se bayan kijiye haal dil e tabah ka

kis se bayaN kijiye haal dil e tabah ka
samjhay wahi isay jo ho zakhmi te'ri nigah ka

mjhko te'ri talab hai yaar tujhko hai chah ghair ki
apni nazr main yaaN nahin tour koi nibah ka

deen o dil qarar o sabr ishq main teray kho chukay
jeetay jo abki hum bachay naam na laingay chah ka

zamzama per rkhy hai tu murgh e chaman k gosh e dil
nala kabhi suna to kar apnay bhi dad khwah ka

husn te'ry ka aaye sanam hai k dhr pe naqsh aaj
teri adaa pe sheefta dil hai gada o shah ka

wasl bhi ho to dil me'ra gham ko na choray hijr k
ye to hamesha hai rafeeq wasl hai gah gah ka

Souda suna hai main ne ye us pe howa tu mubtila
rashk se jis k chehray k dagh jigr hai maah ka

8.
 Maqdoor nahiin uskii tajallii ke bayaan ka

maqdoor nahiiN uskii tajallii ke bayaaN ka
jooN-shama saraapa ho agar sarf zabaaN ka

parde ko t'ayyun ke dar-e-dil se uThaa de
khultaa hai abhii pal meN tilismaat jahaaN ka

Tuk dekh sanam_khaana-e-ishq aan ke ai sheKh
jooN-shamm-e-haram raNg jhalaktaa hai butaaN ka

is gulshan-e-hastii meN ajab diid hai lekin
jab chashm khule gul kii to mausam ho KhizaaN ka

dikhalaaiye le jaake tujhe misr ke baazaar
lekin nahiiN KhwaahaaN ko_ii vaaN jiNs-e-giraaN ka

hastii se adam tak nafas-e-chaNd kii hai raah
duniyaa se guzarnaa safar aisaa hai kahaaN ka

''Sauda'' jo kabhii gosh se himmat ke sune too
mazmoon yahii hai jaras-e-dil kii fughaaN ka

9.
Hamaray na'laa-e-soozaan se hai ye dhang aatish ka
Hamaray na'laa-e-soozaan se hai ye dhang aatish ka
k us k zikr main urta hai munh se rang aatish ka

hamari ehtiyat us k tain manzoor hai is tarha
mahasir jis tarha rehta ha barood sang aatish ka

mjhe do din falak tain ghar main rakh kr tang aaya hai
samndr se na main dekha k ho dil tang aatish ka

mushabeh yaar k tousan se ab kis ko bataoN main
tarha bijli ki main dekha nahin sir jang aatish ka

dil e nalaaN majnooN kaisi garmi ho kahaN us main
bapa naqah e laila band de go zang aatish ka

firangi koi aab e teaigh k ohday se bar aavaiN
agr bandhaiN pahar aa kr wo roz jang aatish ka

wo choob kashti ba-shikasta hoN is behr main jiska
dubana aar pani ko jalana nang aatish ka

agr tha dil pe dagh e ishq koh e toor per ja kr
kya kyuN dhondnay per Mosa ne aahang aatish ka

smoor o qaqam o sanjaab hai sarma main muna'am ko
rakhain hain aasra ghurba e lanj o lang aatish ka

na de dil aatsheeN rukhsar per Souda to ab kyunkar
wo sho'laa dekh kar main hogaya chit bang aatish ka

No comments:

Post a Comment